Почитувани посетители, Добредојдовте на интернет страницата на Државната комисија за жалби по јавни набавки  


Искрено се надеваме дека овде ќе ги пронајдете сите информации за спознавање на системот за правна заштита во постапките за доделување на договори за јавни набавки, концесии и јавно приватно партнерство во Република Македонија.

 

Со цел да се хармонизира системот на јавните набавки во Република Македонија со правниот систем на Европската Унија (acquis communautaire), а сето тоа во насока на приближување на Република Македонија кон Евро – атланските интеграции, основана е Државната комисија за жалби по јавни набавки.

 

Државната комисија е самостоен државен орган со својство на правно лице кое работењето и одлучувањето ги има уредено со Деловник. Државната комисија е составена од претседател и четири членови - именувани од Собранието на Република Македонија кои функцијата ја извршуваат професионално за период од пет години. Државната комисија има и стручна служба во која вработените имаат статус на административен државен службеник.

 

Мисија на Државната комисија е да обезбеди брза, oбјективна и ефикасна правна заштита во постапките за доделување договори за јавни набавки, концесии и јавно приватно партнерство. Правната заштита е достапна во сите фази на постапката, од објавата на огласот до доделувањето на договорот за јавна набавка.

 

Вашите коментари и предлози можeтe да ги праќате по е-пошта на адреса: dkzjn@gs.gov.mk

С О О П Ш Т Е Н И Е  

ДРЖАВНАТА КОМИСИЈА ЗА ЖАЛБИ ПО ЈАВНИ НАБАВКИ ГИ ИЗВЕСТУВА СИТЕ ЕКОНОМСКИ ОПЕРАТОРИ, ДОГОВОРНИ ОРГАНИ И ОСТАНАТИ ЗАИНТЕРЕСИРАНИ СТРАНКИ ДЕКА ПРИЕМ НА ПИСМЕНА ВО АРХИВАТА, ЗАПОЧНУВАЈЌИ ОД 01.09.2017 ГОДИНА ЌЕ СЕ ВРШИ СЕКОЈ РАБОТЕН ДЕН ОД 08:30 ЧАСОТ ДО 15:00 ЧАСОТ.

С О О П Ш Т Е Н И Е  

Државната комисија за жалби по јавни набавки на 26-та Седница одржана на ден 25.05.2017 година, постапувајќи во согласност со член 202 став 6 од Законот за јавните набавки, како и во согласност со член 5 од Деловникот за начинот и работа и одлучување на Државната комисија за жалби по јавни набавки, одлучуваше за избор на заменик – прет

СООПШТЕНИЕ  

Почитувани,

 

Државната комисија за жалби по јавни набавки ги известува сите економски оператори, учесници во постапката на правна заштита, дека согласно наодот од Ревизорскиот извештај бр.11-56/5 од 25.04.2017 година за извршена ревизија од страна на Одделението за внатрешна ревизија во Секторот за решавање жалби по јавни набавки, концесии и јавно приватно партнерство, како и согласно член 212 став 2 од Законот за јавните набавки, почнувајќи од 01.09.2017 година повеќе нема да праќа опомени до економските оператори за плаќање на административна такса и надомест за водење на жалбена постапка.

 

Тркалезна маса: „Најчести повреди во постапките за доделување на договор за јавна набавка кои ги прават договорните органи“  

Државната комисија за жалби по јавни набавки на 6ти декември, 2016 година во Хотел „Сити Парк“ Скопје одржа Тркалезна маса на тема: „Најчести повреди во постапките за доделување на договор за јавна набавка кои ги прават договорните органи“.

 

На обуката беа присутни педесет претставници на договорните органи, кои имаа можност преку презентацијата на Државната комисија да се едуцираат, да земат учество во активната дискусија и да разменат искуства при спроведувањето на постапките за доделување на договор за јавна набавка.

Практични работилници организирани од SIGMA  

СИГМА (Support for Improvement in Governance and Menagement, A joint initiative of the OECD and the European Union, principality financed be the EU) организираше две практични работилници за членовите и стручната служба на Државната комисија за жалби по јавни набавки, одржани на 29 и 30 ноември, 2016 година на тема: „Критериуми за доделување на договорот различни од најниската цена“ и на 15 и 16 декември, 2016 година на тема: „Понуди со невообичаено ниска цена и Интерес за добивање на договорите“ и двете одржани во Хотел „Александар Палас“, Скопје.

 

С О О П Ш Т Е Н И Е  

Државната комисија за жалби по јавни набавки на 65-та Седница одржана на ден 13.12.2016 година, постапувајќи во согласност со член 202 став 6 од Законот за јавните набавки, како и во согласност со член 5 од Деловникот за начинот и работа и одлучување на Државната комисија за жалби по јавни набавки, одлучуваше за избор на заменик – прет

Регионална Конференција за телата за правна заштита на јавните набавки во земјите опфатени со процесот на проширување на ЕУ  

Државната комисија за жалби по јавни набавки во соработка со СИГМА (Support for Improvement in Governance and Menagement, A joint initiative of the OECD and the European Union, principality financed be the EU) на 9 и 10 Јуни 2016 година организираше дводневна Регионална конференција за телата за правна заштита н

С О О П Ш Т Е Н И Е  

 

Се известуваат сите економски оператори и договорни органи дека во согласност со член 224 став 11 од Законот за јавните набавки должни се до Државната комисија за жалби по јавни набавки, при доставување на жалбата, односно при доставување на одговор на жалба да достават и електронска адреса на која ќе може да им биде доставена донесената одлука од страна на Државната комисија.

И З В Е С Т У В А Њ Е  



Се известуваат договорните органи дека при вложување на жалби против решенијата на Советот за јавни набавки, потребно е жалбите истовремено да ги достават до Државната комисија за жалби по јавни набавки и до Советот за јавни набавки.

Syndicate content